नेपालगञ्ज, २८ साउन २०७४, शनिबार
राष्ट्रिय फोटो पत्रकार समुह (एनएफपीजे)को वांके शाखाको विस्तार भएको छ । वांकेको नेपालगञ्जमा पत्रकार र संचारकर्मीहरुको शनिबार भएको बृहत भेलाले रुद्र सुवेदीको नेतृत्वमा ९ सदस्यीय तदर्थ समितिको गठन भएको हो । नवगठित तदर्थ समितिको उपाध्यक्षमा विनोद अग्रहरी ,सचिवमा गजेन्द्र बोहरा, सहसचिवमा रेजीना मल्ल, कोषाध्यक्षमा अमृता के.सी. हुनुहुन्छ भने सदश्यहरुमा खगेन्द्र दाहल,अंगनाथ देवकोटा, विशाल राना र शोभा गिरि रहनुभएको छ । त्यसैगरि जनक नेपाल, ठाकुर सिंह थारु र सुरेन्द्र काफ्ले शाखाको सल्लाहकार पदमा रहनुभएकोछ ।
राष्ट्रिय फोटो पत्रकार समुह (एनएफपीजे) वांकेशाखाका नवगठित तदर्थ समितिका सदश्यहरु सामूहिक फोटो खिचाउदै । फोटो: एनएफपीजे
वांके शाखाको गठनसंगै एनएफपीजे जिल्ला शाखाको संख्या २८ पुगेकोछ । भेला एनएफपीजेका केन्द्रिय अध्यक्ष ध्रुब आलेको सभापतित्वमा भएको हो । नेपाल पत्रकार महासंघ जिल्ला शाखा वांकेका अध्यक्ष ठाकुर सिंह थारु भेला उद्घाटन कार्यक्रमका प्रमुख अतिथि हुनुहुन्थ्यो ।
शाखा विस्तारका लागि केन्द्रिय अध्यक्ष ध्रुब आलेको नेतृत्वमा जिल्ला दौडाहामा गएको टोलीका अन्य सदश्यहरुमा केन्द्रिय सचिव प्रदिपराज वन्त, संस्थापक सदश्य हरिप्रसाद रेग्मी र एनएफपीजे जिल्ला शाखा कपिलवस्तुका अध्यक्ष मनोज पौडेल हुनुहुन्थ्यो ।